好服務 壞服務
星期一, 12月 21, 2009
好服務例子:
到西餐廳晚飯。同行四人，點了三個套餐另加主菜。
只包了三份湯，但廚師多上了一小杯餐湯。
令沒有人要呆座看著其他人喝。付出成本不多，但很貼心。
壞服務例子:
到戰死會逛。店內除我就只有黑面女店員一個。
她坐在櫃檯後低頭看著電腦(就奇怪完全不怕有人偷竊)。
找不著貨就問一下: "唔該xxx仲有冇貨?"
頭也不抬就回曰: "賣哂"
之後買了另一樣東西，付賬時遞上會員證。
店員: 過左期.
我: 哦, 冇所謂喇咁..
店員: 你續唔續丫?
我: 幾錢一年?
店員: (不耐煩樣)$50
我: 係咪買野九五折?
店員: (超不耐煩樣)係
我: (想一想)咁唔駛了 (若不是趕急我一定唔會再幫趁)
店員: (+黑面)哦...你可以儲印花, 儲夠咪可以免費做會員lor
(全句的敗筆在個"lor"字, 冇左, 順耳好多)
我: 哦...(我幾乎可以肯定唔會有第二個印出現)
壞+好服務例子:
到糖水店吃甜品。點了個"木桶即撞荳花"。
等了十分鐘也沒來。
查一下單，發覺侍應漏點了。
告訴了老闆娘，老闆娘立即去補單。
負責我們檯的大嬸侍應走來，我們再問她一次。
她就很"語重心長"的說: "你見我地今晚好多客, 你點o個樣野要d時間先做到..blarblarblar"
冷不防老闆娘在後面閃過
溫柔地喝道: 唔好講咁多。落漏左單, 係我地錯。
之後個大嬸走了一圈又回來，睇下張單，
又講: 咦? 係wor? 我頭先交帶左個同事落單gar la, 唔知點解佢落漏野wor...
之後又等了五分鐘，同檯其他人已經吃完...
廚房剛做好一份荳花，該是別桌點的。
老闆娘立即先拿來奉上，之後再拿下一份補給別人，\
畢竟我們已等了近十五分鐘...
就這樣消弭了一場危機~
注: 好的服務, 人家未必會記得。壞的，不單止記得還會自動幫你宣傳。由上文篇幅的長度就可以證明。
訂閱：
文章 (Atom)
文章
