青山專員日誌

某早。乘巴士回公司途中。

忽然聽到在上層一女士邊大叫"有落呀!有落呀!"，急急按了下車鐘，再邊飛奔落樓下。

巴士當然沒有停。一來，這不是小巴。司機只會看燈停站，齋叫係唔會停的。二來，他在二樓，再大聲司機也未必聽到。三來，她叫得太遲，加上沒人上落所以沒停車。到她落到樓下，車已過站。

而司機為她一個人緊急煞車的話，車上的乘客會全變滾地葫蘆...

好戲才剛開始...

女士: 你做乜唔停比我呀?

司機: 小姐，你打鐘o個陣已經過左站了..(其實行車時係可以唔答佢的)

女士: 我咪出左聲叫你停lor? 你有冇搞錯架?

司機: 你響樓上我邊聽到?

女士: 痴線架! 巴士都飛站! 我都未見過d人咁渣車架!

司機: ...

女士: 咁你即刻響度停比我落! 我都唔知你車到我去邊度。

司機: 小姐lee都唔停得車，要埋站先可以上落客的...

女士: 我理得你! 你宜家搞到我遲哂到，一陣有乜損失你賠得起咩?!

司機: ...

女士: 我同你講野呀? 你啞左呀? 你仲唔停車?

司機: ...

路人: 小姐你唔好咁勞氣...

女士: 你係邊個呀? 關你乜事呀?

(快到下一站)

女士: 我實投訴你架! 我都未見過d司機質素咁差o既! 又飛站! 又冇禮貌!都唔知乜人黎gar!

(到站下車)